‘O CASTAGNARO
Una scena di vita quotidiana, nonostante il triste evento c'è sempre una vena di comicità.
Dint’’o quartiere se ne parla ancora
‘e Vicenziello dett’’o castagnaro;
e sse ne parla pure ‘a part’’e fòra
‘a chi se porta nu ricordo caro.
Pe’ ttutt’’e ffurnacelle c’ha appicciato,
se sente dint’ a ll’aria ancora addore,
e mmo ca tutt’’o ffuoco s’è stutato,
p’’a morta soja se sente nu clamore.
‘A ggente parla, specie ‘e vvicchiarelle,
ca ‘e Vicenziello nc’ erano cumpagne,
una sultanto, cu’’na resatella…
“E qquante n’ha ‘ntaccate ‘e ‘sti ccastagne!”
