CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

EUROPA A RRATE

Scritto da Antonio Ruggiero on .

Prima che l' Italia entrasse a far parte della Comunità, ci chiesero dei grossi sacrifici da fare, li abbiamo fatti, siamo entrati in questa idea bellissima, ma oscurata dall'egemonia di alcuni stati.

E’ nu suonno troppo bello
pure si se pav’ a rrate,
ovviamente ‘ncopp’’a pelle
‘e chi sta già disperato.

Chest’Europa nc’ha spremmute,
ma si è overo ca nce jamme,
nce trasimme zitte e mmute
chin’’e pezze e cchin’’e famme.

Pe’ ll’Italia è n’accasione,
nu penziero ca fa gola;
doppo tanta lampe e ttuone
hadda ascì nu poco ‘e sole.

Ma chi tène ‘o burzellino,
s’’o ‘nnasconne e avota e ggira,
p’’o tenè sempe cchiù cchino
nun nce spenne maje ‘na lira.

‘O guverno chest’’o ssape,
ca pavamme sempe ‘e stesse;
ma s’’o ffa passà p’’a capa...
Vota e ggira e nce fa fesse.

Dice ca pe’ nnuje è n’onore,
nun putimme restà fòra;
ca se fa p’’o tricolore
ca purtamme dint’’o còre.

Già m’’a ‘mmaggino addubbata
chest’Italia ca va a vviente;
va in Europa a ccapa aizata
cu nu strascico ‘e pezziente.

e-max.it: your social media marketing partner