Ci vuole fortuna soprattutto dove si nasce.Chi nasce in un paese sottosviluppato ha poco da sperare e molto spesso si muore anche dopo pochi giorni di vita.
|
Dopp’’o strllo ‘e ‘na mamma, nu vaggito,
è n’arba nova, è ttrionfo d’’a natura;
nce sta ll’incanto e ‘o bbello ‘e tutt’’a vita,
quanno ‘ntrasatto nasce ‘na criatura.
Cuccarde a ffesta, è tutta n’armunia,
pariente e amice tutt’ attuorno ‘o lietto;
che ttennerezza, sì, ma ch’ alleria,
quann’’a vucchella tremma e zuca a ppietto.
Luntanamente dint’ a ‘na capanna,
addò sulo ‘a pupilla janca spicca,
‘e nu criaturo niro ca se danna
e zuca sulo ll’ aria,’o pietto è ssicco!
‘Na jena languida nce gira attuorno,
e n avvoltoio ch’è ppronto p’’a picchiata;
pe’’st’anema nun schiararrà maje juorno,
sulo nu sciuscio ‘e vita e ppo’ nient’ ato.
‘Ncielo sultanto ‘a luce ‘e quacche stella,
ma nun allumma maje ‘na malasciorta;
nun nc’è futuro pe’’stu criaturiello…
E’ appena nato e già l’aspetta ‘a morte!
|
|
